ԱՄՆ հատուկ դատախազը Թրամփի փաստաբաններին է ներկայացրել ավելի քան 40 հարց

ԱՄՆ հատուկ դատախազ Ռոբերտ Մյուլերը 2016 թվականի ամերիկյան ընտրություններին Ռուսաստանի հնարավոր միջամտության վերաբերյալ Դոնալդ Թրամփի փաստաբաններին է ներկայացրել ավելի քան 40 հարց: The New York Times-ը հաղորդում է, որ այդ հարցերը հայտնվել են թերթի տրամադրության տակ:

Հարցերի մի մասը վերաբերում է Թրամփի և Ազգային անվտանգության նախկին խորհրդական Մայքլ Ֆլինի հետ հարաբերություններին: Նշվում է, որ Մյուլերը ցանկանում է պարզել, թե կոնկրետ ինչ է Թրամփին հայտնի՝ ԱՄՆ-ում Ռուսաստանի դեսպան Սերգեյ Կիսլյակին Ֆլինի զանգերի մասին:

Հատուկ դատախազը Թրամփից հետաքրքրվել է նաև Կենտրոնական հետախուզական վարչության նախկին ղեկավար Ջեյմս Քոմիի հետ նախագահի հանդիպումներից և հեռախոսազրույցներից:

Լրատվամիջոցը տեղեկացնում է, որ Մյուլերին հետաքրքրում է նախագահի որդու՝ ռուսաստանցի փաստաբան Նատալյա Վեսելնիցկայի հետ հանդիպման մանրամասները, Աղալարովների հետ հարաբերությունների բնույթը և Թրամփի՝ 2013 թվականի այցը Մոսկվա:

2016 թվականին ամերիկյան ընտրություններին Ռուսաստանի հնարավոր միջամտության շուրջ հետաքննությունը ԱՄՆ-ում շարունակվում է: Մյուլլերը փորձում է պարզել, թե արդյոք Թրամփի թիմի և Կրեմլի միջև դավադրություն է եղել՝ Թրամփի մրցակից Հիլարի Քլինթոնի դիրքերը թուլացնելու նպատակով: Մոսկվան կտրականապես հերքում է իր առնչությունը օտար պետությունների ընտրություններին:

azatutyun.am

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման