ԱՄՆ-ն Իսրայելի վրա ազդեցություն չի գործում Սիրիայում ռազմական գործողությունների անցկացման հարցում

Իսրայելի իշխանությունները ինքնիշխան որոշումներ են կայացնում Սիրիայի տարածքում ռազմական գործողությունների անցկացման վերաբերյալ, ու ԱՄՆ-ն դրանց վրա որեւէ ազդեցություն չի թողնում։ Այս մասին հայտնել է ԱՄՆ պաշտպանության նախարար Ջեյմս Մեթիսը Պենտագոնում տեղի ունեցած մամուլի ասուլիսի ժամանակ, փոխանցում է ՏԱՍՍ-ը։

«Իսրայելը կայացնում է իր սեփական ինքնիշխան որոշումները, ու ես չեմ անկեղծ ասած, չեմ համարում, որ մենք դեր ենք կատարում այդ որոշումների կայացման հարցում»,- ասել է նա՝ պատասխանելով արաբական հանրապետությունում հրեական պետության ռազմական գործողությունների մասին հարցին։

Պենտագոնի ղեկավարը հերթական անգամ քննադատել է Սիրիայի նախագահ Բաշար Ասադի գործողությունները իր ժողովրդի հանդեպ, նաեւ Իրանի գործողությունները Սիրիայում։

Միաժամանակ Մեթիսը շեշտել է, որ Իսրայելի պնախարար Ավիգդոր Լիբերմանի հետ անցած շաբաթ Վաշինգթոնում կայացած հանդիպման ժամանակ չի քննարկվել Թեհրանի միջուկային ծրագրի մասին համաձայնագիրը։ Նա նշել է, որ Իսրայելը մտահոգված է Սիրիայի տարածքում Իրանի հարձակման հնարավորությամբ։ «Իրանական ուժերը կամ դրանք խամաճիկային ոււժերը փորձել են մոտենալ իսրայելական սահմանին, շատ մոտենալ։ Ու դուք տեսաք, որ Իսրայելն այդ կապակցությամբ միջոցառումներ է ձեռնարկում»,- ասել է նախարարը՝ հավելելով, որ ԱՄՆ-ն հետևում է Մերձավոր արեւելքում իսլամական հանրապետության գործողություններին։

news.am

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Հալեպի նահանգային իշխանություններն այցել են ՀՀ գլխավոր հյուպատոսություն