Պենտագոն․ ԱՄՆ-ն ձգտում է կանխել Ռուսաստանի ու Ասադի զորքերի հետ բախումները Սիրիայում

ԱՄՆ-ն ձգտում է Սիրիայում թույլ չտալ որեւէ ռազմական բախումներ իր զինծառայողների ու ռուսական ստորաբաժանումների կամ Բաշար Ասադի զորքերի միջեւ։ Այս մասին երկուշաբթի լրագրողներին հայտնել է Պենտագոնի ղեկավար Ջեյմս Մեթթիսը,փոխանցում է ՏԱՍՍ-ը։

Այն հարցին, արդյոք իրեն չի մտահոգում այն հանգամանքը, որ դեպի արեւելք սիրիական կառավարական զորքերի առաջխաղացման հետ մեկտեղ աճում է ամերիկացի զինվորների հետ նրանց բախումների վտանգը, Մեթթիսը պատասխանել է «Մեզ դա ամեն օր է մտահոգում։ Մենք միշտ ուշադիր հետեւում ենք նրանց»։

«Բացի դրանից, ինչպես գիտեք, մենք միջադեպերի կանխարգելման մասով կապ ենք պահպանում Սիրիայում ԱՄՆ-ի ու Ռուսաստանի հրամանատարությունների միջեւ։ Կա նաեւ կապի ալիք ԱՄՆ ԶՈՒ շտաբերի ղեկավարների կոմիտեի նախագահ, գեներա լ Ջոզեֆ Դանֆորդի ու Ռուսաստանի ԶՈՒ Գլխավոր շտաբի ղեկավար, գեներալ Վալերի Գերասիմովի միջեւ։ Այդ կապի ալիքները անխափան են գործում։ Դրանց օգնությամբ մենք կանխում ենք միջադեպերը Սիրիայում»,- հավելել է Պենտագոնի ղեկավարը։

news.am

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման