Լոնդոն. «Եվրոպական առաջատար պետությունները դեմ են Իրանի հետ միջուկային համաձայնագրի չեղարկմանը»

«Մեծ Բրիտանիան,Գերմանիան և Ֆրանսիան միասնական դիրքորոշում ունեն Իրանի հետ կնքված միջուկային համաձայնագրի հարցում»: Կիրակի օրը նման հայտարարությամբ է հանդես եկել Մեծ Բրիտանիայի վարչապետի գրասենյակը:

«Լոնդոնը, Բեռլինը և Փարիզը միակարծիք են այն հարցում, որ Իրանի հետ կնքված համաձայնագիրն այդ երկրի՝ միջուկային պետության փաստացի կարգավիճակը կանխելու լավագույն ձևն է»,- նաև նշված է Թերեզա Մեյի աշխատակազմի տարածած հայտարարության մեջ:

Միացյալ Թագավորության վարչապետի գրասենյակը տեղեկացրել է, որ Թերեզա Մեյը երեկ այս հարցով հեռախոսային բանակցություններ է անցկացրել Ֆրանսիայի նախագահ Էմանուել Մակրոնի և Գերմանիայի դաշնային կանցլեր Անգելա Մերկելի հետ: Կողմերը նաև համաձայնել են, որ գործող փաստաթղթում որոշ լրացումներ պետք է կատարվեն, որոնք պետք է հանգեցնեն Իրանում բալիստիկ հրթիռների արտադրության ծրագրի սահմանափակմանը:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում