Ամերիկացի սենատոր․ Թրամփը արժանի է Խաղաղության նոբելյան մրցանակի

Ամերիկացի հանրապետական սենատոր Լինդսի Գրեմը, որը ներկայացնում է Հարավային Կարոլինա նահանգը, համարում է, որ եթե ԿԺԴՀ-ն դադարեցնի իր միջուկային ծրագիրը ու Կորեական թերակղզում իրավիճակը հանդարտվի, ապա ԱՄՆ նախագահ Դոնալդ Թրամփին պետք է Խաղաղության նոբելյան մրցանակ շնորհել։ Այս մասին նա հայտնել է Fox News հեռուստաալիքի եթերում, հաղորդում է ՏԱՍՍ-ը։

«Դոնալդ Թրամփը ԿԺԴՀ-ին ու Չինաստանին համոզել է, որ ինքը լրջորեն է տրամադրված փոփոխություններին։ Մենք դեռ չենք հասել դրան, բայց եթե դա տեղի ունենա, այդ ժամանակ նախագահ Թրամփը արժանի կլինի Խաղաղության նոբելյան մրցանակի»,- համարում է սենատորը։

Գրեմը նշել է, որ Սպիտակ տան ղեկավարին հաջողվել է համոզել ԿԺԴՀ-ին, որ նա երկու տարբերակ ունի՝ կամ կարող է «նորմալ երկիր» դառնալ, կամ էլ՝ հրթիռաշինությունը շարունակելու դեպքում, կործանման դատապարտվել։

Ապրիլի 27-ին սահմանամերձ Փհանմունջոմ կետում կայացել է Հարավային Կորեայի նախագահ Մուն Չժե Ինի ու ԿԺԴՀ-ի առաջնորդ Կիմ Չեն Ընի միջև պատմական հանդիպումը։ Այդ բանակցությունները Սեուլի ու Փհենյանի միջև բարձր մակարդակի վրա առաջին հանդիպումն էր ավելի քան տասը տարվա ընթացքում։

news.am

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման