7 տարեկան երեխան ընկել է շենքի 5-րդ հարկից և ողջ մնացել
Ուկրաինական Օդեսայում 7 տարեկան երեխան ընկել է շենքի 5-րդ հարկից և ողջ մնացել, գրում է korrespondent.net-ը:
Նշվում է, որ դեպքը տեղի է ունեցել Օդեսա նահանգի Բելգորոդ–Դնեստրովսկի քաղաքում, որտեղ փոքրիկ տղան ապրում է մոր հետ:
Ըստ աղբյուրի՝ ընտանիքն ապրում է բարեկեցիկ կյանքով և սոցիալական ծառայությունների հաշվառման մեջ չէ:
Դեռևս հայտնի չէ, թե ինչ հանգամանքներում է երեխան վայր ընկել: Նշվում է, որ նա ստացել է մի շարք վնասվածքներ:
Երեխան այժմ հոսպիտալացված է:
Դեպքի առնչությամբ այլ մանրամասներ առայժմ չեն հաղորդվում: