Դանիայում «Հիտլերի սուզանավ» է հայտնաբերվել (տեսանյութ)
Դանիայի Սկագերակի նեղուցի հատակին հայտնաբերվել է գերմանական U-352 սուզանավը, որով, ենթադրաբար, փախուստի է դիմել Երրորդ ռեյխի ղեկավարությունը: Այս մասին հայտնում է TV2 դանիական հեռուստաալիքը:
Նշվում է, որ սուզանավը հայտնաբերել են Ծովային ռազմական թանգարանի աշխատակիցները Յուտլանդիայում:
Թանգարանի աշխատակիցների հաղորդմամբ՝ սուզանավը հայտնաբերվել է 123 մետր խորության վրա այն վայրի մոտակայքում, որը 1945 թվականին նշել են Մեծ Բրիտանիայի Զինված ուժերը:
Թանգարանի տնօրեն Գերտ Նորման Անդերսենի խոսքով՝ U-352-ը ամենաժամանակակից սուզանավն էր, որը գերմանացիները կառուցել են Երկրորդ համաշխարհային պատերազմի ժամանակ:
Աղբյուրը մանրամասնում է, որ Ծովային ռազմական թանգարանի աշխատակիցները չեն պլանավորում ջրի երես հանել սուզանավը, ահա թե ինչու մոտ ժամանակներում չի հաջողվի պարզվել՝ ինչ է գտնվում սուզանավի ներսում: