Հնդկաստանում նախարարին ծաղրել են «հինավուրց համացանցի» մասին խոսելու համար
Հնդկաստանի Տրիպուրա նահանգի նախարար Բիպլաբ Դեբը հայտարարել է, որ համացանցը հին հնդիկների հայտնագործությունն է, ինչի պատճառով համացանցի օգտատերերը ծաղրել են նրան: Այս մասին հայտնում է BBC News-ը:
Դեբի խոսքով՝ հազարավոր տարիներ առաջ համացանցն արդեն գոյություն ուներ. նա հղում է արել «Մահաբհարաթա» հին հնդկական էպոսին: Ընդ որում, նրա կարծիքով, էպոսի հատվածները հաստատում են ոչ միայն համացանցի հնդկական ծագումը, այլ նաև՝ մատնանշում արբանյակային կապի հինավուրց պատմությունը:
Հնդկաստանում համացանցի օգտատերերը սկսել են ծաղրել նախարարին՝ հարցնելով, թե ինչ պատճառներով հին հնդիկները չեն օգտագործել Siri կամ Facebook իրենց ձեռքբերումների մասին խոսելու կամ խնդիրներ լուծելու համար: