ԱՄՆ հրթիռային հարվածներից հետո Սիրիայի խաղաղ բնակիչների եւ բանակի շրջանում զոհեր չկան․ ՌԴ ՊՆ

Սիրիական օդակայանները, որոնց ուղղությամբ ԱՄՆ-ն ու դաշնակիցները հրթիռային հարվածներ են իրականացրել, չեն տուժել, հայտարարել է Ռուսաստանի զինված ուժերի Գլխավոր շտաբի Գլխավոր օպերատիվ վարչության պետ գեներալ-գնդապետ Սերգեյ Ռուդսկին, փոխանցում է «ՌԻԱ Նովոստի»-ն։

Նրա խոսքով՝ հարվածի թիրախներից են եղել նաեւ Սիրիայի ռազմաօդային ուժերի ավիաբազաները․ «Օբյեկտիվ վերահսկողության տվյալները հետեւյալն են ասում՝ Դյուվալի օդակայանի ուղղությամբ իրականացված հարվածին մասնակցել են 4 հրթիռներ՝ բոլորը խոցվել են, Դումեյր օդակայանի ուղղությամբ հարվածին մասնակցել են 12 հրթիռներ՝ բոլորը խոցվել են, Բլեյ օդանավակայանի ուղղությամբ՝ 18 հրթիռներ՝ բոլորը խոցվել են, Շարիաթ օդակայանի ուղղությամբ՝ 12 հրթիռներ՝ բոլորը խոցվել են։ Օդակայանները չեն տուժել»,-ասել է Ռուդսկին։

Չօգտագործվող Մեզզե օդակայանի ուղղությամբ արձակված 9 հրթիռից խոցվել է 5-ը։ Հոմսի օդակայանի ուղղությամբ արձակված 16 հրթիռներեւից խոցվել է 13-ը, լուրջ ավերածություններ չի նկատվում։ Նրա խոսքով՝ Դամասկոսում եւ մյուս բնակավայրերում իրավիճակը գնահատվում է կայուն։ Ռուդսկին հայտնել է նաեւ, որ Սիրիայի խաղաղ բնակիչների եւ բանակի շրջանում զոհեր չկան։

news.am

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Հալեպի նահանգային իշխանություններն այցել են ՀՀ գլխավոր հյուպատոսություն