Ռուսաստանը դատապարտում է Սիրիայիդեմ օդային հարվածները

Ռուսաստանը դատապարտում է Սիրիայի դեմ արևմտյան երեք երկրների օդային հարվածներն ու ընդգծում` դրանք անպատասխան չեն մնա:

«Վատագույն սպասումները դարձան իրականություն», ֊ Թվիթերում գրել է Նահանգներում Ռուսաստանի դեսպան Անատոլի Անտոնովը հավելելով` մենք զգուշացրել ենք, որ նման քայլերը անհետևանք չեն մնա: Կատարվածի ողջ պատասխանատվությունն ընկնում է Վաշինգտոնի, Լոնդոնի ու Փարիզի վրա: Ռուսաստանի նախագահին վիրավորելը անընդունելի է և անթույլատրելի»:

Ռուսաստանի Սենատի ներկայացուցիչ, պետական ինքնիշխանության հարցերով հանձնաժողովի ղեկավար Անդրեյ Կլիմովն էլ հայտարարել է, թե «Միացյալ Նահանգները, Բրիտանիան և Ֆրանսիան Սիրիայում գործում են որպես մի հանցախումբ, որը վերացնում է իր դեմ ապացույցները, այդ թվում՝ բեմադրված քիմիական հարձակման մասին վկայող հետքերը»:

Դատապարտելով կատարվածը` ռուս սենատորը միաժամանակ նշել է, որ առայժմ խոսք չկա ռուս֊ամերիկյան ռազմական առճակատման մասին։

«Ամերիկացիները և նրանց դաշնակիցներն ամեն բան արել են, որպեսզի թիրախում չհայտնվեն Սիրիայում գտնվող ռուսական ստորաբաժանումները», ֊ ասել է Կլիմովը:

Այս թեմայով Հալեպի նահանգային իշխանություններն այցել են ՀՀ գլխավոր հյուպատոսություն ԱՄՆ-ն դատապարտում է Սիրիայում արմատական ​​ահաբեկիչների իրականացրած սպանությունները. Մարկո Ռուբիո Հարյուրավոր սիրիացիներ բռնությունից ապաստան են գտել Լաթաքիայի ռուսական ավիաբազայում. Reuters Ռուս ընդդիմադիր գործիչ Ալեքսեյ Նավալնին բանտում մահացել է Պուտինը, Մերկելը, Էրդողանը և Մակրոնը Սիրիայի հարցով քառակողմ հանդիպում կունենան