549 կգ մարիխուանայի անհետացման մեղքը փորձել են բարդել առնետների վրա
Արգենտինայում իրավապահները զվարճալի բացատրություն են գտել մի քանի ցենտներ առգրավված թմրանյութերի անհետացմանը։ Նրանց խոսքով՝ «խոտը» ոչնչացրել են կրծողները։
540 կիլոգրամ մարիխուանան անհետացել է Բուենոս Այրես նահանգի Պիլար քաղաքի ոստիկանության պահեստից, գրում է Newsru-ն։ Հետաքննության շրջանակում դատարանի առաջ են կանգնել 8 ոստիկաններ, որոնք խոսքները մեկ արած հայտարարել են, որ թմրանյութով «առնետներն են սնվել»։
Դատաբժշկական փորձագետները, սակայն, բացառել են, որ կրծողները կարող էին հետաքրքրություն դրսեւորել մարիխուանայի նկատմամբ։ Իսկ եթե նույնիսկ այդպես լիներ, ապա կրծողները կսատկեին գերդոզավորումից, սակայն պահեստում առնետների զանգվածային սատկելու դեպքեր չեն գրանցվել։
Ներկայումս ութ ոստիկանները, որոնք մասնակցում են հետաքննությանը, հեռացվել են զբաղեցրած պաշտոններից։