Սուդանի նախագահն ազատ է արձակել բոլոր քաղբանտարկյալներին
Սուդանի նախագահ Օմար ալ Բաշիրն ազգային երկխոսության ջանքերի շրջանակում հանձնարարել է ազատ արձակել բոլոր քաղբանտարկյալներին, հաղորդում է SUNA գործակալությունը։
Հաղորդագրության մեջ նշված չէ, թե քանի մարդ ազատ կարձակվի, սակայն նշվում է, որ այդ քայլը համապատասխանում է «հաշտեցման, ազգային ներդաշնակության եւ խաղաղության ոգուն»: Քաղբանտարկյալների ազատ արձակումը դուռ է բացում բոլոր քաղաքական ուժերի համար երկրի խնդիրների քննարկմանը մասնակցելու համար։
Նշենք, որ Սուդանում արժույթային ճգնաժամ եւ հիպերինֆլյացիա է գրանվել, ինչը բնակչության դժգոհության պատճառ է դարձել՝ չնայած նրան, որ հանրային բողոքներն արգելված են եւ կանոնավոր կերպով ճնշվում են երկրի անվտանգության ուժերի կողմից։