Հրդեհ` Կիևի կենդանաբանական այգու տարածքում
Ուկրաինայի մայրաքաղաք Կիևի կենդանաբանական այգում երեկ հրդեհ է բռնկվել, հայտնում է «РИА Новости» գործակալությունը՝ հղում անելով Կիևի արտակարգ իրավիճակների վարչության տարածած հայտարարությանը:
Հրդեհը տարածվել է 60 քմ տարածքի վրա՝ կենդանիների ձմեռային կացարանի շինության ներսում: Հրդեհը բռնկվել է մեկհարկանի շինության տանիքում:
Նշվում է, որ բոլոր կենդանիները շտապ տարհանվել են:
Աղբյուրը հայտնում է, որ հրդեհը որոշ ժամանակ անց մարվել է: Տուժածներ և զոհեր չկան:
Հայտնի է, որ հրդեհաշիջման աշխատանքներին մասնակցել է 4 միավոր հրշեջ-փրկարարական տեխնիկա և 23 հրշեջ:
Հասցված նյութական վնասն ու հրդեհի հնարավոր պատճառները պարզվում են իրավապահ մարմինների կողմից: