Աղջիկը հարձակվել է վագրի վրա եւ փայտով ծեծել նրան
Հնդկաստանի Մահարաշտրա նահանգում փայտով զինված 22-ամյա աղջիկը հարձակվել է վագրի վրա, որը փորձել է տանել նրա այծին, հաղորդում է BBC News-ը:
Ռուպալի Մեշրամը լսելով այծի գոռոցը, դուրս է վազել տանից եւ տեսել, որ կենդանու վրա վագր է հարձակվել: Նա վերցրել է փայտը եւ հարվածել գիշատիչին: Վագրը թողել է այծին եւ հարձակվել կնոջ վրա: Աղջկա մայրը սարասփել է, երբ տեսել է վագրի հետ մենամարտող դստերը: Մայրը վազել է նրա օգնելու, տուն է քաշել եւ փակել դուռը:
Կենդանու հետ կռվից հետո Ռուպալիի գլխին, գոտկատեղեին, ոտքերին եւ ձեռքերին վերքեր են առաջացել, սակայն դրանք նրա կյանքին չեն սպառնում: