Ղազախստանում 188 մարդ թունավորվել է պաղպաղակից
Ղազախստանի Շիմկենտ քաղաքի ինֆեկցիոն հիվանդանոց են տեղափոխվել 188 մարդ, որոնք պաղպաղակ են կերել տեղի սրճարաններից մեկում:
Այս մասին հաղորդում է Корреспондент-ը՝ վկայակոչելով Հարավ-Ղազախստանյան մարզի ձեռներեցների պալատի մամլո ծառայությանը:
«Փորձաքննության առաջին տվյալները ցույց են տվել, որ թունավորման պատճառը սալմոնելյոզի հարուցիչով վարակված արտադրանքն է եղել, որը հայտնաբերվել է պաղպաղակի ուսումնասիրված 25 բաղադրիչից 24-ի մեջ: Որոշ արտադրանքներում հայտնաբերվել է ստաֆիլակոկ», - ասվում է հաղորդագրության մեջ:
Ինչպես նշվում է, ձեռներեցության սուբյեկտի ստուգումներ իրականացնելիս կոպիտ խախտումներ են բացահայտվել:
Մասնավորապես պաղպաղակի խառնուրդը պատրաստվել է մասնավոր տան տարածքում, որտեղ չեն պահպանվել սանիտարա-հիգիենիկ պահանջները, իսկ պատրաստի զանգվածն իրացման վայր են տեղափոխել հինգ լիտր ծավալով պալստիկե շշերով: