$45 մլն. Թրամփին պատկանած առանձնատունը հանվել է վաճառքի (լուսանկարներ)
Միացյալ Նահանգների նախագահ Դոնալդ Թրամփին ու նրա առաջին կնոջը՝ Իվանա Թրամփին պատկանած շքեղ առանձնատունը 45 մլն դոլարով հանվել է վաճառքի, գրում է The Daily Mail-ը՝ մանրամասնելով, որ անշարժ գույքը գտնվում է Կոնեկտիկուտ նահանգում:
Առանձնատան ներկայիս տերերը՝ Ռոբերտ և Սյուզան Սթեյնբերգները պատմել են, որ տարիներ շարունակ փորձում են վաճառել տունը ու անընդհատ նվազեցնում են գինը:
Նշվում է, որ 1939թ. կառուցված առանձնատունն ունի 8 ննջասենյակ, 13 լոգասենյակ, 8 բուխարի, լողավազան, կինոթատրոն, մեծ մակերեսով տնամերձ տարածք:
Հայտնի է, որ Դոնալդ և Իվանա Թրամփներն այն գնել էին 1982թ.՝ 4 մլն դոլարով: Սակայն ամուսնալուծությունից հետո Իվանան 1998թ. տունը վաճառել է Սթեյնբերգներին՝ դրա համար ստանալով 15 մլն դոլար:
