Ռուսաստանը արդիականացված հակահրթիռային համակարգ է փորձարկել
Ռուսաստանի հակաօդային պաշտպանության ուժերը արդիականացված նոր հրթիռ են փորձարկել: Այդ մասին այսօր տեղեկացրել է Ռուսաստանի Դաշնության պաշտպանության նախարարությունը:
«Փորձարկված սպառազինությունը նախատեսված է բալիստիկ հրթիռների դեմ պայքարի համար: Փորձարկումը տեղի է ունեցել Ղազախստանում գտնվող Սարի-շաղան ռազմավարժարանում», - նշված է Ռուսաստանի ռազմական գերատեսչության հաղորդագրությունում:
«Փորձարկումները հաջողությամբ են ավարտվել, հրթիռը խոցել է պայմանական թիրախը», - նշել է Ռուսաստանի զինված ուժերի հակաօդային պաշտպանության ուժերի հրամանատարի տեղակալ գեներալ-մայոր Անդրեյ Պրիխոդկոն:
Ռուսաստանյան աղբյուրների փոխանցմամբ, փորձարկված հրթիռները արդեն իսկ մարտական հերթապահություն են իրականացնում` պաշտպանելով Մոսկվան և հարակից շրջանները հնարավոր օդային հարվածից:
Ռուս ընդդիմադիր գործիչ Ալեքսեյ Նավալնին բանտում մահացել է
Սիրիայում ՌԴ–ի հետ հակասությունը C-400–ների վրա չի ազդի
Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով
Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար
ՌԴ ՊՆ-ն ցուցադրել է «Օխոտնիկ» նորագույն անօդաչուի առաջին թռիչքը (տեսանյութ)