Հաքերները 5 մլն բանկային քարտերի տվյալներ են գողացել
Ամերիկյան Saks Fifth Avenue, Saks Off Fifth եւ Lord & Taylor ընկերությունների խանութներից տվյալների արտահոսքը թույլ է տվել հաքերներին ստանալ շուրջ 5 մլն բանկային քարտերի տվյալներ, հաղորդում է Associated Press–ը։
Hudson's Bay ընկերությունը խոստովանել է, որ հաքերներին հաջողվել է վճարային համակարգում ներկառուցել վնասակար ծրագրային ապահովում։
Ավելի վաղ կիբեռանվտանգության ոլորտի Gemini Advisory ընկերությունը հայտարարել էր, որ նկատել է 5 մլն բանկային քարտերի տվյալների գողացման մասին հաքերների հաղորդագրություն։ Փորձագետները նշել են, որ տվյալների հավաքումը տեղի է ունեցել մեկ տարվա ընթացքում։
Hudson's Bay ընկերությունում նշել են, որ պատրաստ են օգնել այս ամենից տուժած իրենց հաճախորդներին։