Մեքսիկայում հրաձգություն է տեղի ունեցել Զատիկի կապակցությամբ անցկացվող երթի ժամանակ(տեսանյութ)
Մեքսիկայի Ակապուլկո կուրորտային քաղաքում հրաձգություն է տեղի ունեցել Զատիկի կապակցությամբ անցկացվող երթի ժամանակ, հայտնում է ՌԲԿ-ն։
Հրաձգությունը տեղի է ունեցել այյն ժամանակ, երբ ոստիկանները հետապնդում էին երկու ավազակների, որոնք մեքենա էին առեւանգել։ Հանցագործներից մեկին իրավապահները սպանել են, իսկ երկրորդը մահացել է ինֆարկտից՝ առեւանգված մեքենայի մեջ։
Ըստ տեսանյութի, որը հրապարակել էր SDP Noticias պարբերականը, կրոնական երթի մասնակիցները տագնապած փախուստի են դիմել, փորձելով թաքստոց գտնել։ Խաղաղ բնակիչներից որեւէ մեկը չի տուժել։
Մարտի սկզբին մեքսիկացի փորձագետները Ակապուլկոն անվանել են աշխարհի ամենավտանգավոր քաղաքներից մեկը։Այդ քաղաքում 100 հազար մարդուն բաժին է ընկնում 107 սպանություն։