Չեխիան ռուսաստանցի հաքերին արտահանձնել է Միացյալ Նահանգներին
Չեխիայի արդարադատության նախարարությունը հաստատել է ռուսաստանցի հաքեր Եվգենի Նիկուլինին ԱՄՆ-ին արտահանձնելու լուրը: Արդարադատության նախարարության մամուլի խոսնակը «Ռոյթերս»-ին ասել, որ արտահանձնումն արդեն տեղի է ունեցել:
Օրերս Չեխիա էր այցելել ԱՄՆ-ի կոնգրեսի ներկայացուցիչների տան խոսնակ Փոլ Ռայանը: Նա ասել էր, որ Չեխիայի իշխանություններից պահանջելու է ԱՄՆ-ին արտահանձնել Եվգենի Նիկուլինին:
Եվգենի Նիկուլինը Պրահայում ձերբակալվել էր 2016 թվականին՝ ԱՄՆ-ի կողմից Ինտերպոլի միջոցով հայտարարված հետախուզման հիմքով: Նա մեղադրվում է ամերիկյան ինտերնետ ընկերությունների կայքերի վրա հաքերային հարձակումների, բաժանորդների անհատական տվյալները գողանալու մեջ: Այդ մեղադրանքներով նրան 30 տարվա ազատազրկում է սպառնում:
Եվգենի Նիկուլինի արտահանձնումը պահանջել էր նաև Ռուսաստանը, որտեղ նրա դեմ քրեական գործ էր հարուցվել ինտերնետային մեքենայությունների միջոցով 2 հազար դոլար հափշտակելու մեջ:
Ավելի վաղ Չեխիայի արդարադատության նախարարը ասել էր, թե Չեխիայի նախագահ Միլոշ Զեմանը հորդորել էր Եվգենի Նիկուլինին արտահանձնել Ռուսաստանին:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սամվել Կարապետյանին կալանավորելու միջնորդություն է ներկայացվել
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սիթի ՍՊ ընկերության մի քանի աղցանի արտադրությունը կասեցվել է
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
Կարևոր է, որ հայության ներկայացուցիչներն իրենց նույնականացնեն ՀՀ-ի հետ