Յուլյա Սկրիպալը սկսել է սնունդ ընդունել ու խմել
Սոլիսբերիում միջադեպի հետեւանքով իր հոր՝ Գլխավոր հետախուզական վարչության նախկին գնդապետ Սերգեյ Սկրիպալի հետ միասին տուժած Յուլյա Սկրիպալը սկսել է սնունդ ընդունել եւ խմել, հաղորդում է «Ինտերֆաքսը»՝ վկայակոչելով Sky News հեռուստաալիքը:
«Ռուս հետախույզի դուստրը, ով տուժել էր նյարդակաթվածային նյութի կիրառմամբ թունավորուման հետևանքով, որքանով որ մենք հասկանում ենք, սկսել է սնունդ ընդունել եւ խմել հիվանդանոցում»,- հայտնում է հեռուստաալիքը:
Ավելի վաղ Բրիտանիայի Ազգային առողջապահական ծառայությունը հաղորդագրություն էր տարածել, որտում նշվում էր, որ Յուլյա Սկրիպալը ապաքինվում է: BBC-ն հաղորդում էր, որ նա կարող է խոսել: Ընդ որում, նրա հայրը՝ Սերգեյ Սկրիպալը, շարունակում է մնալ ծայրահեղ ծանր վիճակում: