Հայկական արմատներով սաուդյան արքայազնը հրաժարվել է 320 մլն դոլար տարեկան եկամուտից

Սաուդյան արքայազն, միլիարդատեր Ալ Վալիդ Բին Տալալը հրաժարվել է տարեկան դրամական եկամուտների իր բաժնից որպես «Kingdom Holding»-ի նախագահ, հաղորդում է MiddleeastEye-ը: Ընկերության հայտարարությամբ՝ տարեկան եկամուտը գնահատվում 320 մլն դոլար: Թե ուր են կոնկրետ միջոցները ուղղվելու, չի հաղորդվում:

Արքայազն Ալ Վալիդը եղել է 11 արքայազների թվում, որոնք կալանավորվել էին թագաժառանգ Մուհամմեդ բին Սալմանի նախաձեռնած հակակոռուպցիոն արշավի շրջանակում:

Ալ Վալիդն ազատ էր արձակվել հունվարի 27-ին: Reuters-ին տված հարցազրույցում նա հայտարարել էր, որ ինքը անմեղ է եւ հույս ունի պահպանել լիարժեք վերահսկողությունն իր ընկերության նկատմամբ: