Ժիրինովսկին կոչ է արել չեղյալ համարել ալիմենտներն ու ապահարզանները
Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին երկրի վարչապետ Դմիտրի Մեդվեդեւի հետ կուսակցության պատգամավորների եւ Պետդումայի ղեկավարության հանդիպման ժամանակ կոչ է արել չեղյալ համարել ալիմենտները եւ թույլ տալ կրկնակի ամուսնություն գրանցել՝ առանց առաջինը լուծարելու, «ՌԻԱ Նովոստի»-ին հայտնել են լիբերալ-դեմոկրատների մամուլի ծառայությունից:
«Չեղարկել ալիմենտները: Փողը կարող է վճարել պետությունը, իսկ ալիմենտները հաճախ նախկին ամուսինների միջեւ ծանր կոնֆլիկտների պատճառ են դառնում, ինչը նրանց խանգարում է նոր ընտանիք կազմել: Ալիմենտներից ավելի շատ վնաս կա, քան օգուտ»,- ասել է Ժիրինովսկին:
Նա նաեւ նշել է, որ ապահարզանների բացակայությունը դրական կանդրադառնա հոգեբանական կլիմայի վրա եւ թույլ կտա պահպանել նախկին ընտանիքի անդամների իրավունքներն ու կարգավիճակը: