Բուլղարիայում աշխատավարձը բարձրացել է 122 %-ով. հայտնի են ամենաշատ ու ամենաքիչ աշխատավարձերով ԵՄ երկրները
Բուլղարիայում 2007-2017 թվականներին միջին աշխատավարձը մեկ ժամվա համար բարձրացել է 122 տոկոսով:
Ինչպես նշում է Euromag-ը՝ մեջբերելով ԵՄ վիճակագրական ծառայության՝ Եվրոստատի տվյալները, դա ամենանկատելի աճն է ԵՄ տարածքում տվյալ ժամանակահատվածի համար: Ընդհանուր առմամբ, ԵՄ-ում աշխատավարձը 10 տարում բարձրացել է 16 տոկոսով:
Չնայած աճի արագ տեմպերին՝ ընդհանուր վիճակագրության համաձայն՝ Բուլղարիան հետնապահ երկրներից է: 2017 թվականին այս երկրում աշխատանքի մեկ ժամը միջինում գնահատվում էր 5.1 եվրո (2007-ի 2.3 եվրոյի փոխարեն): Իսկ ԵՄ անդամ մյուս երկրներում աշխատանքային մեկ ժամը վարձատրվում է միջինում 23.1 եվրո (2007-ի 19.5 եվրոյի փոխարեն):
ԵՄ-ում ամենաբարձր աշխատավարձը ստանում են Լյուքսեմբուրգում (43,8 եվրո՝ մեկ ժամի համար), հաջորդում են Դանիան (38,7 եվրո) և Բելգիան (37,9 եվրո):
Ամենից քիչ աշխատավարձ ստանում են Բուլղարիայի, Ռումինիայի (5.5 եվրո) և Լեհաստանի (6.3 եվրո) բնակիչները: