ՀՀ-ում շենգենի դիմումներն ապրիլից կընդունի ռուս-թուրքական ընկերությունը
2018 թվականի ապրիլի 3-ից շենգենյան վիզայի դիմումները կընդունի ոչ թե Գերմանիայի դեսպանատունը, այլ ռուս-թուրքական «ՎիզաՄետրիկ» կոնսորցիումը:
Այս մասին տեղեկացրել է ՀՀ-ում Գերմանիայի արտակարգ և լիազոր դեսպան Մաթիաս Քիսլերը:
Դեսպանը նշել է, որ կազմակերպությունը գտնվում է Թուրքիայում: Նա վստահեցրել է, որ այն երկարամյա փորձ ունի, այդ պատճառով էլ շահել է վիզայի ծառայություն մատուցելու մրցույթը:
Այսինքն, Գերմանիայի, Բելգիայի, Նիդեռլանդների, Լյուքսեմբուրգի, Ավստրիայի և Շվեդիայի համար շենգեն վիզա ստանալու համար պետք է դիմել այդ ընկերությանը:
Գրասենյակը սակայն ղեկավարելու է հայ ներկայացուցիչ, և այնտեղ աշխատողները բացառապես ՀՀ քաղաքացիներ են լինելու», – ասել է Մաթիաս Քիսլերը:
Դեսպանի խոսքով, Գերմանիային վերաբերող վիզաների դիմումների ընթացակարգը մնալու է բացառապես Գերմանիայի դեսպանության գործունեության շրջանակում: