Ժամանակակից Մաուգլին. Հնդկաստանում 2-ամյա փոքրիկն ամեն օր ժամերով խաղում է կապիկների հետ (լուսանկարներ)
Հնդկաստանի գյուղերից մեկում բնակվող 2-ամյա Սամարթ Բանգարիին հայտնի է դարձել կապիկների հետ շփվելու և ժամերով խաղալու ունակության համար:
Ինչպես ներկայացնում է Daily Mail-ը, փոքրիկը բնակվում է Բանգալոր քաղաքից 400 կմ հեռավորությամբ գտնվող Ալլապուր գյուղում:
Երբ երեխան վերադառնում է մանկապարտեզից, կապիկները նրան արդեն սպասելիս են լինում իր տան բակում: Եվ ծնողները երեխային մի քանի ժամով հանգիստ թողնում են կենդանիների հետ միայնակ:
Կապիկների և փոքրիկի անհավանական ընկերության շնորհիվ Սամարթին իրենց գյուղում «օրհնված» երեխա են անվանում:
Աղբյուրը նշում է, որ փոքրիկը դեռ կարգին չի էլ խոսում, բայց կրկնօրինակում է իր «ընկերների» արտաբերած հնչյունները: Երբեմն մարդիկ խմբերով հավաքվում են նրանց խաղը դիտելու համար:
