Պուտինն ու Էրդողանը հեռախոսազրույց են ունեցել
Ռուսաստանի Դաշնության նախագահ Վլադիմիր Պուտինն ու Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել Սիրիայում տիրող իրավիճակի շուրջ, այս մասին հայտնում է թուրքական «Հյուրրիյեթ» պարբերականը:
Հեռախոսազրույցի առանցքային թեման է եղել Արևելյան Ղուտայում հումանիտար ճգնաժամը:
Երկու երկրների առաջնորդներն ընդգծել են ՄԱԿ-ի Անվտանգության խորհրդի կողմից մեկամսյա հրադադարի ռեժիմի պահպանման կարևորությունը՝ տեղի բնակչությանը հումանիտար օգնություն հասցնելն ապահովելու համար:
Հայտնի է, որ նախագահները խոսել են նաև թուրքական ԶՈւ-ի կողմից սիրիական Աֆրինում շարունակվող «Ձիթենու ճյուղ» ռազմական գործողության մասին։