ձկնորսական նավում 15 մլն եվրոյի թմրանյութ են գտել
Հունաստանի առափնյա պաշտպանության ծառայությունը Կրետե կղզու մոտ Celine Star ձկնորսական նավում 1,3 տոննա մարիխուանա է հայտնաբերել՝ 15 մլն եվրո ընդհանուր արժեքով։
Ֆրանսիական մաքսավորները հույն գործընկերներին հայտնել էին կասկածելի նավի մասին, որը գտնվում է Կրետեից հարավ։ Celine Star-ի որոնումները երեք օր են տեւել, ծովում գործողությունն իրականացրել են պարեկային մոտորանավերը, իսկ օդից աջակցել է Frontex եվրոպական գործակալության ուղղաթիռը։ Նավը գտել են կղզու ափից 60 մղոն հեռավորությամբ եւ ձերբակալել են։
Պարզվել է, որ նավը դուրս է եկել սիրիական Լաթաքիայի նավահանգստից եւ ուղեւորվում էր եվրոպական նավահանգիստերից մեկը։ Անձնակազմը հայտնել է, թե ձկնորսության են մեկնել, սակայն նվաում սարքավորումներ չեն եղել։ Թմրանյութն առգրավել են, անձնակազմի չորս անդամներին ձերբակալել։