Եգիպտական մումիաների վրա դաջվածքներ են հայտնաբերվել
Ամենահին դաջվածքները հայտնաբերվել են երկու եգիպտական մումիաների ուսերին, հաղորդում է Reuters-ը` հղում անելով բրիտանական թանգարանին:
Տղամարդու մումիայի վրա հայտնաբերվել են վայրի ցուլի եւ ոչխարների դաջվածքներ, կանանց՝ գծային նախշերով դաջվածքներ:
«Իրականում, դա միանգամայն նոր գաղափար է տալիս դաջվածքների օգտագործման մասին», - ասել է բրիտանական թանգարանում ֆիզիկական մարդաբանության հսկիչ Դանիել Անտուանը: «Դաջվածքների դասավորվածությունը ենթադրում է, որ դրանք այնպես են ստեղծվել, որ տեսանելի լինեն»,-ասել է նա:
Մումիաները հայտնաբերվել են 100 տարի առաջ Եգիպտոսի Գեբելեյն քաղաքում՝ ժամանակակից Լուքսորից մոտ 40 կմ հարավ: Նրանք մ.թ.ա. 3351-3017 թվականներին են թվագրվում: