Ֆրանցիսկոս պապը կոչ է արել Սիրիայում բռնությունն անմիջապես դադարեցնել

Հռոմի պապ Ֆրանցիսկոսը կոչ է արել Սիրիայում բռնությունն անմիջապես դադարեցնել՝ ընդգծելով, որ «չարիքը չի կարելի չարիքով հաղթել», հայտնում է «ՌԻԱ Նովոստի»-ն:

«Այս օրերին ես հաճախ եմ մտովի դիմում սիրելի եւ տառապյալ Սիրիային, որտեղ պատերազմը դարձյալ ուժգնացել է, հատկաես Արեւելյան Գուտայում: Ներկայիս փետրվարը դարձավ 7-ամյա հակամարտության ընթացքում ամենադաժան ամիսներից մեկը: Հարյուրավոր, հազարավոր զոհեր կան քաղաքացիական բնակչության, երեխաների, կանանց, ծերերի շրջանում: Հարվածներ են հասցվում հիվանդանոցներին, մարդիկ չեն կարողանում սնունդ հայթայթել: Այս ամենն անմարդկային է»,- հայտարարել է Հռոմի պապը՝ հավատացյալներին դիմելով ավանդական կիրակնօրյա քարոզով, որոնք հավաքվել էին Վատիկանում Սուրբ Պետրոսի հրապարակում:

«Չի կարելի չարիքը չարիքով հաղթել: Իսկ պատերազմը չարիք է: Այս պատճառով ես կոչ եմ անում, որ բռնությունը հենց հիմա դադարեցվի, հասանելիություն տրվի հումանիտար օգնությանը (պարենամթերքին եւ դեղորայքին) եւ տարհանվեն վիրավորներն ու հիվանդները: Աղոթենք, որ դա անմիջապես տեղի ունենա»,- կոչ է արել Ֆրանցիսկոս պապը:

news.am

Այս թեմայով Հալեպի նահանգային իշխանություններն այցել են ՀՀ գլխավոր հյուպատոսություն ԱՄՆ-ն դատապարտում է Սիրիայում արմատական ​​ահաբեկիչների իրականացրած սպանությունները. Մարկո Ռուբիո Հարյուրավոր սիրիացիներ բռնությունից ապաստան են գտել Լաթաքիայի ռուսական ավիաբազայում. Reuters Պուտինը, Մերկելը, Էրդողանը և Մակրոնը Սիրիայի հարցով քառակողմ հանդիպում կունենան Սիրիական բանակը մասամբ ազատագրել է Իդլիբը