Femen-ի ակտիվիստուհին մերկացել է Պորոշենկոյի առաջ (լուսանկարներ)
Femen միջազգային ֆեմինիստական շարժման ակտիվիստներից մեկը մերկացել է Ուկրաինայի նախագահ Պյոտր Պորոշենկոյի առաջ: Դա տեղի է ունեցել նախագահի՝ Վիեննայի ամենամյա պարահանդես այցելության ժամանակ:
Ինչպես հայտնում է gazeta.ru-ն, կինը մերկացրել է կուրծքը, որի վրա Պորոշենկոյին ուղղված կոչ է գրված եղել: Ակտիվիստուհին Ուկրաինայի նախագահին կոչ է արել «գրողի ծոցը գնալ»:
Femen-ի ներկայացուցիչները հայտնել են, որ իրականացված ակցիայի նպատակն էր հանրությանը տեղեկացնել, որ «պետբյուջեն թալանող» Պորոշենկոյին չի կարելի թույլ տալ նման միջոցառման մասնակցել:
