ԱՄՆ-ում որսի ժամանակ սատկած սագը «վրեժ է լուծել» որսորդից (լուսանկար)
Ամերիկյան Մերիլենդ նահանգի բնակիչը հոսպիտալացվել է, երբ նրա գլխին սատկած սագ է ընկել, գրում է The Daily Mail-ը։
Պարբերականի տեղեկության համաձայն՝ միջադեպը տեղի է ունեցել որսի ժամանակ։ 51-ամյա տղամարդն ընկերների հետ գնացել է որսի, ընկերներից մեկը կրակել է թռչնին, որն ընկել է անմիջապես 51-ամյա տղամարդու գլխին։
Արդյունքում որսորդը կորցրել է գիտակցությունը և դեմքի ու գլխի շրջանում վնասվածքներ ստացել, նաև՝ զրկվել երկու ատամից։
Նա տեղափոխվել է մոտակա հիվանդանոց։ Նրա վիճակը կայուն է գնահատվել։