Լիոնել Մեսսին պահանջել է դադարեցնել իր անվան օգտագործումը կոմերցիոն նպատակներով
Լիոնել Մեսսիի և Արգենտինայի ֆուտբոլի ասոցիացիայի ղեկավարության հարաբերությունները հայտնվել են փակուղում։ Իսպանական հեղինակավոր Marca պարբերականի հաղորդմամբ՝ «Ինտեր Մայամիի» հարձակվողը պահանջել է կառույցից անմիջապես դադարեցնել իր անվան, լուսանկարների և տեսանյութերի օգտագործումը գովազդային ու կոմերցիոն նպատակներով։
Արգենտինական Clarín պարբերականի լրագրող Նիկոլաս Վինյասկուն մանրամասնում է, որ ֆուտբոլիստի իրավաբաններն արդեն պատրաստել են համապատասխան իրավական պահանջը, որն արգելում է ֆեդերացիային առանց հատուկ համաձայնության շահարկել Մեսսիի կերպարը։ Թեև աղբյուրների տեղեկությունները փաստաթղթի պաշտոնական հանձնման պահով տարբերվում են (ըստ որոշ տվյալների՝ այն արդեն ուղարկվել է, ըստ մյուսների՝ պատրաստ է ուղարկման), ակնհայտ է, որ աշխարհի չեմպիոնն այլևս չի ցանկանում ասոցացվել ֆեդերացիայի ներկայիս ղեկավարության հետ։
Լարվածության հիմնական պատճառներից մեկը կոմերցիոն շահերի բախումն է։ Մեսսին բացառիկ պայմանագիր ունի ամերիկյան Michelob գարեջրի ապրանքանիշի հետ և հանդիսանում է դրա գովազդային դեմքը։ Սակայն Արգենտինայի հավաքականի հովանավորներից մեկը՝ գարեջուր արտադրող տեղական ընկերությունը, գովազդային արշավում օգտագործել է Մեսսիի կերպարը։ Սա ուղղակիորեն խախտել է ֆուտբոլիստի միջազգային պարտավորությունները, ինչի հետևանքով նրա ներկայացուցիչները ստիպված են եղել բացատրություններ տալ ամերիկյան գործընկերներին։
Երկար տարիներ Մեսսին ջերմ հարաբերությունների մեջ էր AFA-ի նախագահ Կլաուդիո Տապիայի հետ և մշտապես աջակցում էր նրան։ Այժմ, սակայն, իրավիճակը կտրուկ փոխվել է. լեգենդար արգենտինացին ցանկանում է խզել ոչ միայն գործնական, այլև անձնական շփումները ինչպես Տապիայի, այնպես էլ կառույցի գանձապահ Պաբլո Տովիգինոյի հետ։
Լիոնել Մեսսին, ստեղծված իրավիճակի վերաբերյալ դեռևս հանդես չի եկել պաշտոնական հայտարարությամբ։
armsport.am


















































Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Արհեստական բանականության օրեր 2026
ՕՌԱՆԺ ՕԻԼ ՍՊԸ-ին պատկանող լցակայանում արձանագրվել է թերլիցքավորման դեպք
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
ԵՄ-ն Ռուսաստանի դեմ նոր պատժամիջոցներ կսահմանի
Բոլորը բարձր լռում էին, երբ մեզ համերաշխորեն սպանում էին. Ալեն Սիմոնյանը՝ ՀԱՊԿ-ում Հայաստանին ձայնի ...