ՏաԹևեր ճոպանուղին կառաջադրվի World Travel Awards միջազգային հեղինակավոր մրցանակի
Հոկտեմբերի 16-ին 16-ամյակը կնշի «ՏաԹևեր» ճոպանուղին։ Ու հերթական տարեդարձի օրը այն հինգերորդ անգամ կառաջադրվի World Travel Awards միջազգային հեղինակավոր մրցանակի՝ World’s Leading Cable Car Ride՝ «Աշխարհի լավագույն ճոպանուղի» անվանակարգում։
Նախորդ չորս առաջադրումներն ավարտվել են հաղթանակով․ «ՏաԹևեր»-ը World Travel Awards-ի մրցանակին արժանացել է 2021, 2023, 2024 և 2025 թվականներին։
2026 թվականին «ՏաԹևեր»-ը մրցակցում է Բրազիլիայի, Վիետնամի, Նոր Զելանդիայի և ՀԱՀ-ի ճոպանուղիների հետ։
Ռուբեն Վարդանյանի և Վերոնիկա Զոնաբենդի նախաձեռնած «Տաթևի վերածնունդ» ծրագրի շրջանակում ստեղծված ճոպանուղին գործարկվել է 2010 թվականին և գրանցվել Գինեսի ռեկորդների գրքում՝ որպես աշխարհում ամենաերկար՝ 5752 մետր երկարությամբ հետադարձելի ճոպանուղի։
16 տարի անց այն շարունակում է Հայաստանից և աշխարհի տարբեր երկրներից այցելուներին հասցնել Տաթև՝ դեպի Հայաստանի կարևորագույն պատմամշակութային կենտրոններից մեկը՝ Տաթևի վանական համալիրը։
16 տարվա ընթացքում նախագիծը զգալի ազդեցություն է ունեցել նաև տարածաշրջանի զբոսաշրջային զարգացման վրա․ Սյունիքում զբոսաշրջային հոսքն աճել է 17 անգամ, մասնավոր ներդրումների ծավալը՝ 11 անգամ, իսկ Տաթևում, Գորիսում և հարակից համայնքներում բացվել է շուրջ 40 նոր հյուրատուն։ Ճոպանուղու գործարկումից ի վեր «ՏաԹևեր»-ից օգտվել է շուրջ 1,6 միլիոն ուղևոր։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Գերմանիան արգելել է չինական մեքենաների մուտքը ռազմական օբյեկտներ
13-ամյա աղջիկը ընկել է դպրոցի պատուհանից
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
3․600 բնակիչ ու ընդամենը մեկ միկրոավտոբուս
Վթարային ջրանջատում Երևանի և երկու մարզի մի շարք հասցեներում