Բրազիլիայի նախկին նախագահին զրկել են անձնագրից
Բրազիլիայի դատարանը երկրի նախկին նախագահ Լուիս Ինասիու Լուլա դա Սիլվային զրկել է անձնագրից, հաղորդում է Reuters- ը` վկայակոչելով քաղաքական գործչի ներկայացուցչին, փոխանցում է« Գազետա»-ն:
Նշվում է, որ դա արվել է, որպեսզի Սիլվան երկրից չհեռանա, քանի որ բողոքարկիչ դատարանը ուժի մեջ է թողել նրա դեմ առաջադրված կոռուպցիայի մեղադրանքները: Անձնագիրն առգրավելու հաջորդ օրը նախկին նախագահը մտադիր էր Աֆրիկա մեկնել:
Ավելի վաղ հաղորդվել էր, որ դա Սիլվային 19 տարով արգելվել է պետական պաշտոններ զբաղեցնել: Կուրիտիբա քաղաքի դաշնային ոստիկանությունը հայտնել էր, որ դա Սիլվան եւ իր կինը պետական նավթային Petrobras ընկերության հետ կապված անօրինական սխեմայի օգնությամբ OAS շինարարական ընկերությունից մոտ 748 հազար դոլար են ստացել: