Սեպտեմբերի 14-ին գումարվող ԱԺ հերթական նիստերի օրակարգի նախագծում ընդգրկվել է 6 հարց
Սեպտեմբերի 11-ին կայացել է ՀՀ Ազգային ժողովի խորհրդի նիստը, որը վարել է խորհրդարանի նախագահ Ռուբեն Ռուբինյանը։
Քննարկվել և հաստատվել են իններորդ գումարման Ազգային ժողովի երկրորդ նստաշրջանի ու սեպտեմբերի 14-ին գումարվող հերթական նիստերի օրակարգերի նախագծերը։ Սահմանվել է նաև հերթական նիստերի օրակարգային հարցերի քննարկման հաջորդականությունը:
Սեպտեմբերի 14-ին գումարվող հերթական նիստերի օրակարգի նախագծում ընդգրկվել է 6 հարց:
Խորհրդի որոշմամբ սահմանվել են իններորդ գումարման Ազգային ժողովի մշտական հանձնաժողովների հերթական նիստերի գումարման օրերի ժամկետացանկն ու պատգամավորական էթիկային առնչվող հարցերով Ազգային ժողովի ժամանակավոր հանձնաժողովի օրինակելի աշխատակարգը։
Սահմանվել են նաև Միջերկրածովյան խորհրդարանական վեհաժողովում դիտորդի կարգավիճակով Ազգային ժողովի պատվիրակության անդամների թիվը և խմբակցությունների ներկայացվածության համամասնությունները։ Որոշման համաձայն՝ պատվիրակության կազմում «Քաղաքացիական պայմանագիր» խմբակցությունից ներկայացված կլինի 2, իսկ «Ուժեղ Հայաստան» խմբակցությունից՝ 1 անդամ։
Հաստատվել են միջազգային խորհրդարանական կազմակերպություններում իններորդ գումարման Ազգային ժողովի պատվիրակությունների կազմերը, նաև՝ ԵՄ-Հայաստան խորհրդարանական գործընկերության կոմիտեում իններորդ գումարման Ազգային ժողովի պատվիրակության կազմը։
Փոփոխություններ են կատարվել Ազգային ժողովի խորհրդի համապատասխան որոշման մեջ։ Ըստ այդմ՝ առաջարկվում է ԱԺ աշխատակազմը համալրել պատգամավորական էթիկային առնչվող հարցերով ԱԺ ժամանակավոր հանձնաժողովի քարտուղարությամբ։
ԱԺ խորհրդի մեկ այլ որոշմամբ առաջարկվում է ձևավորել Հայաստան-Ռուանդա և Հայաստան-Կամբոջա բարեկամական խմբերը։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Հանրությանը մոլորեցնելու նպատակ ունեցող ապատեղեկատվություն