ԿԳՄՍ նախարարը և Պեդրո Դիասը քննարկել են սպորտի ոլորտում համագործակցության հնարավորությունները
Մոնակոյի Իշխանապետությունում Եվրոպայի խորհրդի անդամ երկրների սպորտի նախարարների 19-րդ համաժողովի շրջանակում ՀՀ ԿԳՄՍ նախարար Ժաննա Անդրեասյանը հանդիպել է Պորտուգալիայի Հանրապետության Խորհրդարանական հարցերի նախարարության սպորտի հարցերով պետքարտուղար Պեդրո Դիասի հետ։ Այս մասին տեղեկացնում են ԿԳՄՍՆ-ից:
Կողմերը քննարկել են երկու երկրների միջև սպորտի ոլորտում համագործակցության ընդլայնման հնարավորությունները։
Անդրադարձ է կատարվել սպորտի կառավարման, մարզական ենթակառուցվածքների զարգացման, մարզիկների պատրաստման և միջազգային մարզական միջոցառումների կազմակերպման ուղղություններով փորձի փոխանակման հնարավորություններին։
Ժաննա Անդրեասյանը կարևորել է նաև 2027 թվականին Ֆրանկոֆոնիայի մարզամշակութային խաղերի անցկացումը Հայաստանում՝ ընդգծելով, որ մեր երկիրը հանձնառու է միջազգային խոշոր մարզական միջոցառումների կազմակերպման բոլոր կանոնների պահպանմանը՝ ներառյալ անվտանգության չափանիշների ապահովումը։
Հանդիպման ընթացքում քննարկվել են նաև Հայաստանում 2029 թվականին նախատեսվող ՖԻՖԱ-ի Մ-20 աշխարհի երիտասարդական ֆուտբոլի առաջնության նախապատրաստական աշխատանքները՝ մասնավորապես անդրադառնալով մարզադաշտերի և հարակից ենթակառուցվածքների կառուցման ու զարգացման, կառավարման գործընթացին։
Նախարարը կարևորել է Պորտուգալիայի փորձն այս ոլորտում․ պայմանավորվածություն է ձեռք բերվել համագործակցել լավագույն փորձի ուսումնասիրման և համագործակցության ընդլայնման նպատակով։
Հանդիպմանը քննարկվել են նաև երկկողմ հետաքրքրություն ներկայացնող այլ հարցեր։
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Հանրությանը մոլորեցնելու նպատակ ունեցող ապատեղեկատվություն
Իրանական պատվիրակությունը Դոհայում բանակցություններ է վարել Կատարի միջնորդների հետ
Օլեշկիից տարհանված ուկրաինացիները Ուկրաինայում են