Սոչիում ձերբակալվել է «Ռոբսոնից» հարցազրույց վերցրած բլոգերը
Սոչիում ձերբակալվել է «ԲլոգՍոչի» կայքի գլխավոր խմբագիր Ալեքսանդր Վալովը: Սոչիի Կենտրոնական շրջանի դատարանի որոշմամբ Վալովի խափանման միջոց է սահմանվել երկամսյա կալանքը: Իրավապահների պնդմամբ՝ Վալովը փորձել է դրամ շորթել Ռուսաստանի Պետդումայի պատգամավոր, Լիբերալ դեմոկրատական կուսակցության անդամ Յուրի Նապսոյից:
Հայ հանրությանը բլոգերի անունը հայտնի դարձավ հունվարի սկզբին, երբ նա իր կայքում ծավալուն հարցազրույց հրապարակեց «Ռոբսոն» մականունով հայտնի գործարար, Հայաստանի արտգործնախարարի նախկին արտահաստիքային խորհրդական Ռուբեն Թաթուլյանի հետ:
Ի դեպ, այս հարցազրույցը սկանդալի պատճառ էր դարձել ՀՀ ԱԳ նախարարությունում: