Նա նշել է, որ քանի դեռ համաձայնագրի տեքստում չէին ներառվել վերջին կետերն ու պահանջները, փաստաթուղթը համաձայնեցված չէր, և բանակցությունները շարունակվել են մինչև վերջին ժամը։

Ըստ նրա, ներկայումս պատրաստվել է փոխըմբռնման հուշագրի վերջնական տեքստը, իսկ վերջնական ստորագրումը տեղի կունենա ուրբաթ օրը հիմնական կողմերի միջև Շվեյցարիայում։

Ղարիբաբադին հավելել է, որ առավոտից ուժի մեջ են մտնում երկու հրատապ իրադարձություններ․ առաջինը՝ պատերազմի և ռազմական գործողությունների դադարեցումը տարբեր ճակատներում, ներառյալ Լիբանանը, ինչը նաև պարունակվում էր Պակիստանի վարչապետի տեքստում։ Երկրորդը՝ ԱՄՆ նախագահի կողմից ճանաչված ծովային շրջափակման վերացումն ու դադարեցումը։

Իրանի պարտավորությունների վերաբերյալ նա նշել է, որ դրանք ուժի մեջ կմտնեն ուրբաթ օրվանից՝ համաձայնագրի պաշտոնական ստորագրումից հետո։

Միաժամանակ Իրանի ԱԳՆ փոխնախարարը ընդգծել է, որ երկրի զինված ուժերը միշտ կլինեն պատրաստվածության վիճակում և «մատը ձգանի վրա»՝ ցանկացած սպառնալիքի հակազդելու համար։