Տանզանիայում շան ձագը վախեցրել է զբոսնող առյուծներին (տեսանյութ)
Տանզանիայի Նգորոնգորո ազգային պարկում շան ձագը վախեցրել է «ռոմանտիկ» զբոսանքի դուրս եկած արու և էգ առյուծներին: Միջադեպի ականատեսները նկարահանել են այն, և համապատասխան լուսանկարներն ու տեսանյութը հրապարակվել են The Daily Mail-ում:
Ենթադրվում է, որ շունը պատկանում է մասաի կիսաքոչվոր ցեղին, որը բնակվում է հիմնականում Քենիայում և հյուսիսային Տանզանիայում: Տեսանյութում երևում է նրանց գյուղը:
Ականատեսների նկարահանած տեսանյութում կարելի է տեսնել՝ ինչպես է պահակային շունը սկզբում բարձր հաչում առյուծների վրա, այնուհետև հարձակվում արուի վրա:
Հատկանշական է, որ շան հարձակմանը պատասխան տալու և իր էգին պաշտպանելու փոխարեն առյուծը սկսել է փախուստի դիմել, սակայն մի քանի վայրկյան անց շունը նույնպես փախել է: