Չինաստանում ահաբեկչության մեղադրանքով 8 մարդ է ձերբակալվել
Չինաստանի հարավային Հայնան նահանգի Սանյա քաղաքում իրավապահները ութ մարդու են ձերբակալել, որոնց մեղադրում են ծայրահեղականության եւ ահաբեկչություններ ծրագրելու մեջ: Այս մասին գրում է Կոմերսանտը՝ վկայակոչելով չինական «Սինա» կայքը:
Հետաքննության տվյալներով՝ մեղադրյալները սոցցանցերում ծայրահեղական բովանդակությամբ տեսանյութեր են տարածել: Ձերբակալվածները 18-36 տարեկան են:
Ծայրահեղական կամ ահաբեկչական գործունեության համար Չինաստանում տարբեր պատժաչափեր են գործում՝ տուգանքից եւ ազատազրկումից մինչեւ մահապատիժ: