Թրամփը Չիլիի նախագահի հետ քննարկել է իրավիճակը Վենեսուելայում
ԱՄՆ-ի նախագահ Դոնալդ Թրամփը Չիլիի նորընտիր նախագահ Սեբաստիան Պիներայի հետ քննարկել է Վենեսուելայում ստեղծված իրավիճակը, հաղորդում է «ՌԻԱ Նովոստի»-ն: «Առաջնորդները քննարկել են Վենեսուելայի վատթարացող իրավիճակը եւ Վենեսուելայի ժողովրդի համար ժողովրդավարության վերականգնման փոխադարձ ցանկությունը»,-ասված է Սպիտակ Տան հայտարարության մեջ:
ԱՄՆ-ն կտրուկ քննադատել է վենեսուելական իշխանություններին,որոնք պատասխանել են նույն կերպ: ԱՄՆ-ում Վենեսուելայի նախագահ Նիկոլաս Մադուրոյին եւ նրա կառավարության մի շարք անդամներին ավելի վաղ ներառել էին պատժամիջոցների ցանկում՝ նրանց եւ նրանց ընտանիքի անդամներին արգելելով մուտք գործել ԱՄՆ տարածք։
Թրամփը նաեւ շնորհավորել է Պիներային դեկտեմբերյան նախագահական ընտրություններում հաղթանակի առթիվ եւ հավաստիացրել է նրան, որ նպատակ ունի համատեղ աշխատել փոխադարձ հետաքրքրություն ներկայացնող հարցերում, հաղորդել է Սպիտակ տունը։