Կրասնոդարում ինքնաձիգով 3 մարդ է սպանվել
Կրասնոդարի շրջանի Ուստ-Լաբինսկու թաղամասի սրճարանում կրակոցների հետեւանքով 3 մարդ է զոհվել: Միջադեպի տեսանյութը դեկտեմբերի 31-ին հրատարակել է REN TV հեռուստաալիքը: Տեսանյությում երեւում է, թե ինչպես է 2 տղամարդ մուտք գործում սրճարան: Նրանցից մեկը ինքնաձիգից կրակում է սրճարանի մյուս հաճախորդի վրա, տղամարդը վայր է ընկնում: Կրակողը զենքով մտնում է սրճարանի մյուս սրահ, իսկ մի քանի վայրկյան անց նրանք լքում են սրճարանի տարածքը:
Ինչպես «ՌԻԱ Նովոստի»-ին հայտնել են ՆԳՆ-ի շրջանային բաժնում, Մոսկվայի ժամանակով ժամը 02:00-ի Լադոժսկայա ավանի սրճարանից ահազանգ էր ստացվել: Դեպքի վայր ժամանած իրավապահները հայտնաբերել էին երեք տղամարդու հրազենային վնասվածքներով դի: Կորենովսկու շրջանի տարածքում իրականացված օպերատիվ-որոնողական աշխատանքների արդյունքում կասկածյալները ձերբակալվել են: