Սպիտակ տունը հույս ունի Թեհրանի հետ համաձայնագիր կնքել մինչև ապրիլի 6-ը

ԱՄՆ-ը ակնկալում է Իրանի հետ համաձայնագիր կնքել մինչև ապրիլի 6-ը, հայտարարել է Սպիտակ տան մամուլի քարտուղար Քերոլայն Լիվիթը մամուլի ասուլիսի ժամանակ։Նրան խնդրել են մեկնաբանել ԱՄՆ նախագահ Դոնալդ Թրամփի հրապարակումը, որը նախկինում Truth Social-ում գրել էր, որ ԱՄՆ-ը 10 օրով՝ մինչև ապրիլի 6-ը, դադարեցնում է Իրանի էներգետիկ ենթակառուցվածքների վրա հարվածները:

Հարցին, թե ԱՄՆ-ը ինչի հույս ունի հասնել այդ ժամանակահատվածում, Լիվիտը բացատրել է, որ Թրամփը «ցանկանում է համաձայնագիր»: «Ժամանակը սպառվում է, մնացել է ընդամենը մի քանի օր: Կտեսնենք, թե ինչ կլինի այդ 10-օրյա ժամանակահատվածից հետո», - ասել է Սպիտակ տան մամուլի քարտուղարը։

ԱՄՆ նախագահը նախկինում հայտարարել էր, որ ԱՄՆ-ը կոչնչացնի Իրանի բոլոր էլեկտրակայանները, նավթահորերը և Խարգ կղզին Պարսից ծոցում, եթե Թեհրանը խափանի Վաշինգտոնի հետ խաղաղության բանակցությունները:

Նախագահը նաև հայտարարել է, որ ԱՄՆ-ը բանակցություններ է վարում «նոր, ավելի ողջամիտ» իրանական իշխանությունների հետ՝ զինված հակամարտությունը դադարեցնելու համար:Նա հավելել է, որ այս քննարկումներում «նշանակալի առաջընթաց» է գրանցվել: