Կենդանաբանական այգիները խնդրում են գիշատիչների համար որպես կեր տնային կենդանիների բերել
Դանիայի 2 կենդանաբանական այգիները տեղացիներից կենդանիներ են ընդունում, որոնք հետագայում գիշատիչների համար կեր կդառնան, հաղորդում է Դանիայի TV2 հեռուստաալիքը:
Խոսքը Կոպենհագենի եւ Գիվսկուդի կենդանաբանական այգիների մասին է:
«Լավ է, երբ կենդանիների սնունդը բազմազան է, ոչ թե միշտ ձի կամ կով: Բացի այդ մորթին ծամելը լավ է եւ ներքին օրգանները նրանց համար շատ օգտակար են», — ասել է այգու աշխատակից Աննա Սոֆի Էլերը:
Նա նշել է, որ կենդանիների համար կեր են համարվում այն կենդանիները, որոնք գիշատիչների համար բնական որս կլինեին:
«Կատուներով կամ շներով կերակրելը ոչ էթիկական կլիներ, քանի որ դա նրանց համար բնական չէ», — ասել է նա: