Ինչ կկատարվի, եթե մեքենան «Կոկա Կոլա»-ով լիցքավորվի (տեսանյութ)
Յութուբյան TechRax ալիքը հրապարակել է տեսանյութ, որում ցուցադրվում են մեքենան վառելիքի ու «Կոկա Կոլա» գազավորված ըմպելիքի խառնուրդով լիցքավորելու հետևանքները:
Փորձի հեղինակը մի շիշ «Կոկա Կոլա»-ն լցրել է 2003 թվականի արտադրության BMW 325i մեքենայի բաքը, ինչից հետո փորձել է դրանով որոշակի տարածություն անցնել: Երբ նա գործի է դրել մեքենան, համակարգը տեղեկացրել է, որ շարժիչի հետ ինչ-որ խնդիր կա, որոշ ժամանակ անց մեքենայի շարժիչը հանգել է ու այլևս չի միացել:
Նշվում է, որ ավտոմեխանիկին այցելելուց հետո, փորձի հեղինակը պարզել է, որ մի քանի հազար դոլար պետք է ծախսի մեքենայի վերանորոգման համար: Հետաքրքրական է, որ նա ընդամենը 1.000 դոլարով էր գնել BMW-ն: