Մոսկվայի բնակիչին «սպանել է» վիրտուալ իրակության ակնոցը
Մոսկվայում տղամարդը մահացել է վիրտուալ իրականության ակնոցի պատճառով: Ինչպես հաղորդում է «ՌԲԿ»-ն, բժիշկները Մոսկվայի բնակարաններից մեկում հայտնաբերել են տղամարդու մարմինը՝ գլխի հատվածում ստացված վնասվածքով: Քննչական կոմիտեում մահվան հնարավոր պատճառ են համարել անփույթ վարմունքը վիրտուալ իրականության ակնոցի հետ:
«Ըստ նախնական տվյալների` տղամարդը բնակարանում շրջել է վիրտուալ իրականության ակնոցով եւ ընկել է ապակե սեղանի վրա, ինչի հետեւանքով վնասվածք է ստացել եւ տեղում մահացել»,- նշել են քննչական կոմիտեում: Դեպքի առթիվ նախաքննական ստուգում է սկսվել: