Այսուհետ շվեդները պետք է սեքսի «բացահայտ» համաձայնություն ստանան
Շվեդիայի խորհրդարանը հավանություն է տվել օրինագծին, որի համաձայն տղամարդը կարող է մեղադրվել բռնաբարության մեջ, եթե նա նախապես զուգընկերոջից սեքսի բացահայտ համաձայնություն չի ստացել, հաղորդում է Focus-ը:
Ըստ փաստաթղթի դրույթների՝ սեքսուալ հարաբերության թույլտվութւունը վերաբերում է սեռական ակտի ցանկացած տեսակին: Ընդ որում օրենքում նշված է, որ կինը պարտադիր չէ բառերով հայտնի իր համաձայնությունը, բավական է, որ նա իր պահվածքով սեռական հարաբերություն ունենալու մտադրությունը ցուցադրի:
«Գաղափարը պարզ է. դու պետք է քո զուգընկերոջը հարցնես՝ արդյոք նա սեքս ուզում է: Եթե դու վստահ չես, ավելի լավ է չանես այդ: Սեքսը պետք է կամավոր լինի», —ասել է Շվեդիայի վարչապետ Ստեֆան Լեֆվենը: