«Փառքի անկյունների» հեռացման վերաբերյալ որևէ հանձնարարական կամ հրահանգ չի տրվել. ԿԳՄՍ նախարարություն

Մեդիայում և սոցիալական ցանցերում տարատեսակ լուրեր էին պտտվում այն մասին, որ հրահանգ կա հանրակրթական հաստատություններում  հեռացնել հերոսների նկարներն ու «փառքի անկունները»։

Թե որքանով են շրջանառվող այս լուրերը համապատասխանում իրականությանը, ճշտեցինք ԿԳՄՍ նախարարությունից հարցման միջոցով։ Ի պատասխան մեր հարցման, նախարարությունից տեղեկացրին, որ «ԿԳՄՍ նախարարությունը երբևէ որևէ հանձնարարական կամ հրահանգ չի տվել հանրակրթական դպրոցներում հերոսների նկարների, «Փառքի անկյունների» հեռացման վերաբերյալ։

Տարբեր շրջանակների կողմից պարբերաբար տարածվող նմանօրինակ տեղեկությունները կեղծ են և չեն համապատասխանում իրականությանը»: