Ռուսաստանում օդանավն ընկել է օդ բարձրանալուց կարճ ժամանակ անց (տեսանյութ)
Ռուսաստանի Դաշնության Նենեցական ինքնավար շրջանի Նարյան Մար քաղաքում Ան-2 օդանավ է կործանվել, ինչի հետևանքով զոհվել է 4 մարդ, կան վիրավորներ:
Ինչպես հաղորդում է ria.ru-ն, այժմ համապատասխան մարմինները փորձում են պարզել կատարվածի պատճառները:
Մինչդեռ lenta.ru-ն հավելում է, որ համացանցում հայտնվել է թեթևշարժիչային օդանավի կործանման տեսանյութը: Կադրերը հրապարակել է Hue Telegram-ալիքը:
Աղբյուրը մանրամասնում է, որ միջադեպը տեղի է ունեցել այսօր առավոտյան՝ օդանավի օդ բարձրանալուց կարճ ժամանակ անց:
Օդանավում գտնվել է 10-ից ավելի մարդ՝ այդ թվում նաև ՌԴ ներքին գործերի նախարարության Նենեցական ինքնավար շրջանի վարչության աշխատակիցներն ու շրջանի Բնական ռեսուրսների, էկոլոգիայի ու ագրոարդյունաբերական վարչության ղեկավարը:
Դեպքի առնչությամբ սկսվել է հետաքննություն: